எவ்வாறு இரண்டு கணனிகளுக்கிடையில் பைல்களைப் பரிமாறுவது?

நீண்ட இடைவெளியின் பின் இப்பதிவை இடுகின்றேன்.....

இப்பதிவானது ”இரண்டு கணனிகளுக்கிடையில் எவ்வாறு பைல்களைப் பரிமாறலாம்?” என்பது பற்றி அலசுகின்றது. இங்கு சொல்லப்படும் முறை மூலம் பைல்களைப் பரிமாற மட்டுமே முடியுமே தவிர இரண்டு கணனிகளுக்கிடையில் இணைய இணைப்புகளை இணைக்கும் முறையல்ல.

இரண்டு கணிணிகளுக்கிடையில் பைல்களைப் பரிமாற, அடிப்படை தேவைகள் சில உண்டு.

முதலாவது,
இரண்டு கணனிகளிலும் நெட்வர்க் கார்ட் (Network Card) இருக்க வேண்டும்.
மற்றையது,
இரண்டு கணனிகளும் இயக்க நிலையிலேயே இருக்க வேண்டும்.

இரண்டு கணணிகளுக்கிடையில் ஹப் (Hub) , ஸ்விச் (Switch) போன்ற இணைய சாதனங்கள் இல்லாமல் நெட்வர்க் கார்ட் ஊடாக இரண்டு கணனிகளை இணைக்க cross-over கேபில் பயன் படுத்தப்படுகிறது.. இந்த cross-over கேபில் (கீழேயுள்ள படத்தைப் பார்க்க) வழமையான ஈதர்நெற் (Ethernet) கேபிலிலிருந்து வேறுபட்டது.

Cross-Over கேபில்

இரண்டு கணினிகளையும் cross-over கேபிலால் இணைத்த பின், அடுத்ததாக இரண்டு கணனிகளிலும் ஐபி முகவரிகளை (IP address) மாற்றியமைக்க வேண்டும்.

அதற்கு முன், எவ்வாறு ஐபி முகவரிகளை விண்டோஸ் எக்ஸ்பீ (Windows XP) இயங்கு தளத்தில் மாற்றியமைப்பது என்பது பற்றிப் பார்ப்போம்.

விண்டோஸ் எக்ஸ்பீ (Windows XP) கணனியில்,

படி 1:
Start பின் Settings ஊடாக Network Connections தெரிவு செய்யுங்கள். அதன் விண்டோ கீழே உள்ளவாறு காணப்படும்.
படி 2:
அதன் பின், புதிதாக வந்திருக்கும் விண்டோ பின்வருமாறு காணப்படும்.

• Local Area Network என்பதன் கீழ் உள்ள நெட்வர்க் கார்டுக்குரிய ஐக்கனை மஞ்சள் நிற விழிப்புக் குறியுடனும் “Limited or No Connectivity” எனும் செய்தியுடனும் இருக்கும்.

(அதாவது இன்னும் இரண்டு கணினிகளும் தொடர்பாடலை மேற் கொள்ள தயாராயில்லை என்பதே ஆகும்).

படி 3:
அடுத்து அந்த மஞ்சள் நிற ஐக்கன் மீது ரைட் க்ளிக் (Right Click) செய்து, புதிதாக வரும் மெனுவிலிருந்து Properties என்பதைத் தெரிவு செய்யுங்கள். அப்போது தோன்றும் Local Area Connection Properties டயலொக் பொக்ஸில் General ரப் இன் (Tab) கீழ் Internet Protocol (TCP/IP) என்பதைத் தெரிவு செய்து அதன் கீழுள்ள் Properties பட்டனையும் க்ளிக் செய்யுங்கள்.

அதன் விண்டோ கீழே உள்ளவாறு காணப்படும்.


படி 4:

புதிதாக தோன்றும் டயலொக் பொக்ஸில் Use the following IP address என்பதைத் தெரிவு செய்து கீழுள்ளவாறு அதன் ஐபி முகவரியை மாற்றியமையுங்கள்.

முதலாவது கணனியில் (கணனி-1) ஐபி முகவரியாக 192.168.0.1 எனவும்,
இரண்டாவது கணனியில் (கணனி-2) 192.168.0.2 எனவும் வழங்குங்கள்.

கீழேயுள்ள படத்தைப் பார்க்க.


இப்போது உங்கள் இரண்டு கணனிகளையும் ஒன்றாக இணைத்துள்ளீர்கள். நீங்கள் இரண்டு கணினிகளுக்கிடையில் தேவையானவற்றை பகிர்ந்து கொள்ள முடியும்.

நீங்கள் செய்தது சரி தானா? என்பதை உறுதி செய்து கொள்ள பின்வரும் முறையை பின்பற்றுங்கள்.

படி 1:

• Start → Settings ஊடாக Network Connections தெரிவு செய்க.

• புதிதாக வரும் விண்டோவில் நெட்வர்க் கார்டுக்குரிய ஐக்கனில் மஞ்சள் நிற விழிப்புக் குறி மறைந்திருப்பதைக் காணலாம் அல்லது ஐக்கன் மேல் பூட்டு வடிவில் ஒரு ஐக்கன் இருக்கும்.
  

கவனிக்க:
நெட்வர்க் கார்டுக்குரிய ஐக்கன் மேல் பூட்டு வடிவில் இருந்தால் பைல் பரிமாறம் செய்வதை விண்டொஸ் அனுமதிக்காது. ஏனென்றால், இது Firewall இயக்க நிலையிலுள்ளது என்பதைக் காட்டுகிறது.
அதை சரி செய்ய,
இடப்பக்கம் Network Task என்பதன் கீழ் Change Windows Firewall Settings என்பதைக் கிளிக் செய்யுங்கள். இது Firewall இயக்க நிலையை தற்காலிகமாக நிறுத்திக் கொள்ளும். தற்போது சரி செய்யப்பட்டுள்ளது. இப்போது நீங்கள் இரண்டு கணணிகளுக்கிடையில் தேவையானவற்றை பகிர்ந்து கொள்ள முடியும்.

உங்கள் கணினி-1 இன் ஐபி முகவரிகளை (IP address) பெற,

• Start → Run ஐத் தெரிவு செய்யுங்கள். அதன் பின் தோன்றும் விண்டோவில் "cmd"என type செய்யுங்கள்.
• புதிதாக தோன்றும் விண்டோவில் "ipconfig" என type செய்து enter கீயை அழுத்துங்கள்.
  
• அந்த விண்டோவில் ஐபி முகவரிகள் பற்றிய விபரம் பின்வருமாறு தெரியும்.

IP Address: 192.168.0.1
Subnet Mask: 255.255.255.0 (இது வேறுபடும்)
Default Gateway: 192.168.0.1 (இது வேறுபடும்)
Preferred DNS Server: 192.168.0.1 (இது வேறுபடும்)

இரண்டாவது கணனியிலும் கீழே உள்ளவாறு ஐபி முகவரியை மாற்றி அமையுங்கள் (இதற்கும் மேலுள்ள முறையைப் பின்பற்றுக).

IP Address: 192.168.0.2
Subnet Mask: 255.255.255.0
Default Gateway: 192.168.0.1
Preferred DNS Server: 192.168.0.1

முதலாவது 4G (4th Generation) செல்போன்...

எதிர்காலம் நம்ம கையில் என்பார்கள்.
அது உண்மை தான்.

இன்றைய தகவல் தொழில்நுட்பத் துறையின் வளர்ச்சியை யாராலும் இலகுவில் அளவிட முடியாத அளவிற்கு வளர்ந்து வருகின்றது. அந்த வகையில் நாம் 4ம் தலைமுறையில் (4G) இருக்கின்றோம்(?). ஆனால், அதன் பாவனையை எமது சேவை வழங்குனர்கள் (Airtel,Hutch,Dialog) எமக்கு அறிமுகப்படுத்த காலதாமதம் ஆகின்றது. 4 ஆனது அமெரிக்காவில் பாவனையில் உள்ளது தெரிந்த விடயம்.

விடயத்திற்கு வருவோம்...

HTC நிறுவனமானது தனது 4G செல்போனை வெளியிட்டுள்ளது. இதன் பெயர் எவோ (Evo). 4G யுகத்தில் இது தான் முதலாவது 4 செல்போன் என்பது குறிப்பிடத்தக்க விடயம்.

EVO செல்போனானது குறிப்பிடத்தக்க சில புதிய வசதிகளை கொண்டுள்ளது...

• WiMax/4G வசதி கொண்டது.
• 4.3-inch (480x800 TFT LCD) தொடுகை திரை
• 1GHz வேக புரொசர்
• உயர் தரத்தில் வீடியோ பதிவு செய்யக் கூடிய கமரா
• 5.0 மெகா பிக்சல் (mega pixel), தொடக்கம் 8 மெகா பிக்சல் கமரா

EVO செல்போனின் சில படங்கள்....







மொத்தத்தில், EVO செல்போனானது இன்ரநெற் வேகம் அதிகரித்த, எல்லாராலும் கவரப்படக்கூடிய வடிவமைப்பையும் கொண்ட தயாரிப்பு.

EVO செல்போன் சம்பந்தப்பட்ட சில வீடியோக்கள்....







4ஜ எதிர்பார்த்துக் கொண்டிருக்கும் எமக்கு கொஞ்சம் ஏமாற்றம் தான்... பார்ப்போம்...

செல்போனில் பயன்படும் WAP என்றால் என்ன? துறை சார்ந்த விளக்கம்

இப் பதிவானது நம் செல்போனில் இணைய இணைப்பை ஏற்படுத்தப் பயன்படும் கம்பியில்லாப் பயன்பாட்டு வரைமுறை (Wireless Application Protocol , WAP) ஜப் பற்றியது. இது முற்று முழுதாக துறை சார்ந்த விளக்கம்.

[இப் பதிவில் சில ஆங்கில சொற்பதங்கள் பாவித்துள்ளேன்.. அவை தவிர்க்க முடியாதவை. மன்னித்து விடுங்கள்...]

கம்பியில்லாத் தொடர்பு சாதனங்களாக செல்போன், PAGER, PDA, உள்ளங்கைக் கணினிகள் என்பவற்றைக் குறிப்பிடலாம். WAP இன் பிரதான தொழிற்பாடாக கம்பியில்லாத் தொடர்பு சாதனங்கள் இணைய (Internet) இணைப்பைப் பெற உதவுவதைக் குறிப்பிடலாம். அதாவது, கணனி மூலம் இணைய இணைப்பு ஏற்படுத்த இணைய வரைமுறைகள் (IP) எவ்வாறு உதவுகின்றதோ, அது போலத் தான் கம்பியில்லாத் தொடர்பு சாதனங்களில் இணைய இணைப்பினை ஏற்படுத்த WAP பயன்படுகின்றது.


செல்போன் தயாரிப்பில் முன்னணியில் இருந்த/இருக்கும் நோக்கியா, எரிக்ஸன், மோட்டரோலா மற்றும் பிற நிறுவனங்கள் இணைந்து 1997-இல் இந்தக் கம்பியில்லாப் பயன்பாட்டு வரைமுறைக்குச் செயல் வடிவம் கொடுத்து வெளியிட்டன.

கொஞ்சம் ஆழமாக சொன்னால்,
1997ஆண்டு காலகட்டத்தில் செல்பேசியின் திரை சிறியதாகவும், கறுப்பு வெள்ளைத் திரைகளும் தான் இருந்தன. அந்தக்காலகட்டத்தில் இந்த WAP இனை செல்பேசியில் பயன்படுத்த, செல்போனில் சில மாற்றங்களைச் செய்ய வேண்டி இருந்தது. அவற்றில் முக்கியமாக பின்வருவனவற்றைக் குறிப்பிடலாம்.

• இணைய உலவியானது கணனியில் இணையப் பக்கங்களைக் காட்ட பயன்படுகின்றதோ, அதேபோல் தான் கம்பியில்லாத் தொடர்புசாதனங்களில் இணையப் பக்கங்களை பார்க்க இணைய உலவி தேவைப்படும். இதனை குற்றுலாவி (Micro Browser) என அழைப்பார்கள்.
• இணைய உலாவியில் பயன்படுத்தப்படும் குறியீட்டு மொழியான மீயுரைக் குறியீட்டு மொழி (HTML) போன்று, செல்போனில் குற்றுலாவிக்கும் ஒரு குறியீட்டு மொழியை அறிமுகப்படுத்தினார்கள்.அதனை கம்பியில்லாக் குறியீட்டு மொழி (Wireless Markup Language , WML) எனக் குறிப்பிடப்படும்.இது மீயுரைக்குறியீட்டு மொழியை விட எளிதானது. குறைந்த அளவிலான ஒட்டுக்களையே (Tags) கொண்டது .

பொதுவாக நம் செல்போனில் இணைய இணைப்பை ஏற்படுத்த முக்கியமாக செல்போசியானது பின்வரும் வசதிகளை கொண்டிருக்க வேண்டும்.

• செல்பேசியில் WAP வசதி இருக்க வேண்டும்.
• உங்களுக்கு சேவை வழங்கியவர்கள், உங்களுக்கு இணைய இணைப்பிற்கான அமைப்புகளை (Settings) வழங்கியிருக்க வேண்டும் , அதாவது எந்த எண்ணை அழைப்பது, வழங்கி அல்லது நுழைவாயிலின் முகவரி (Gateway address), பயனாளர் பெயர், கடவுச்சொல் ஆகியவை.
• சேவை வழங்கியவர்கள் தனது வலையமைப்பில் ஒரு வழங்கி அல்லது நுழைவாயில் (Gateway) ஒன்றை நிறுவியிருக்க வேண்டும் . இந்த நுழைவாயில் தான் உங்கள் செல்போனை இணையத்திற்கு இணைப்பதற்கு உதவுகின்றது.
• இணையத் தள இணையப்பக்கங்கள் WAP இனைக் கொண்டு தனது சேவைகளை வழங்க வேண்டும். பொதுவாக, இணையப்பக்கங்களில் நிறைய படங்கள் மற்றும் தகவல்கள் இருக்கும். ஆனால், செல்போன் மூலம் அவற்றைப் பார்க்க குறைந்த அளவு படங்களாகவும் மற்றும் குறைந்த அளவு நினைவிருப்பிடம் கொண்ட பக்கங்களைச் செல்பேசிகளுக்கென தனியாக வடிவமைத்தல் வேண்டும்.
  

எப்படி செல்போன் குற்றுலாவி (Micro Browser) தொழிற்படுகின்றது?

எமது செல்போனில் இணையத்தை இணைக்க இணையதளத்தின் முகவரியினை உள்ளிட்டு அனுப்பும் போது...
செல்போனிலிருந்து வரும் கம்பியில்லா குறியீட்டு மொழியானது (WML) நுழைவாயிலில் (Gateway) வைத்து தகவல்களை HTML மொழிக்கு மாற்றம் செய்யப்பட்டு இணையத்திற்கு அனுப்பப்படுகிறது . அதுபோல், இணையத்தில் இருந்து வரும் HTM மொழியில் அமைந்த தகவல்கள், செல்போன் புரிந்து கொள்ளும் மொழிக்கு அதாவது WML ஆக மாற்றப்படுகிறது.

செல்போனில் இணைய இணைப்பை பயன்படுத்தும் போது கவனிக்க வேண்டியவை...

இந்த வகை இணைப்பின் வேகம் மிகக்குறைவு. அதாவது, ஒரு விநாடிக்கு 9.8 Kbits வரை மட்டுமே பெற முடியும். எனவே தான் ஒரு இணையப் பக்கத்திற்குச் செல்ல வேண்டுமெனில் வெகு நேரம் எடுக்கின்றது. கவனிக்க வேண்டியது என்னவெனில், இணைப்பு ஏற்படுத்திய பின் தரவு அனுப்பப் பட்டாலும் சரி, அனுப்பாவிட்டாலும், இணைப்பு இருக்கும் நேரம் முழுவதற்கும் கட்டணம் செலுத்த வேண்டும்.


செல்போனில் இணைய இணைப்பில் இருந்த இவ்வாறான சிக்கல்களை நீக்க பிற்காலத்தில் (1999 க்குப் பின்) படிப்படியாய் செல்போனில் இணைய இணைப்பிற்கு WAP உடன், மீயுரைப் பரிமாற்று வரைமுறையும் (HTTP) சேர்த்து அறிமுகப் படுத்தப்பட்டது. மேலும், இணைய வேகத்தை அதிகப்படுத்த பொதுப் பொட்டல வானலைச் சேவை (GPRS) அறிமுகமானது.

GPRS ஜப் பற்றி எனது முந்தைய பதிவுகளில் வாசித்து அறிந்து கொள்ளலாம். அதனை வாசிக்க இச்சுட்டியை அழுத்துங்கள். பகுதி 1 மற்றும் பகுதி 2

WAP ஜப் பற்றிய இப்பதிவு உங்களுக்கு பிடித்திருந்தால், மற்றவர்களும் அறிந்து கொள்ள ஓட்டைக் குத்த மறந்திடாதிங்க சார்...
அடுத்த பதிவில் சந்திப்போம்...

இப்பதிவை PDF ஆக தரவிறக்குக

கணணியில் Mp3 பாடல்களை தரமான இசையுடன் கேட்க...

நம் கணணியில் சில மென்பொருட்களை பயன்படித்துவதன் மூலம் கணணியில் Mp3, ஓடியோ பாடல்களை மிகத் துல்லியமான இனிய இசையில் கேட்க முடியும். Mp3 ஆனது original ஒலியை சுருக்கிய வடிவம் என்பதும் original ஒலியின் தரத்தை விட குறைந்தது என்பதும் யாவரும் அறிந்ததே...

ஆனால், இவ் SRS Audio Sandbox ஆனது அந்தக்குறையை நீக்குகின்றது. இதனை விலைக்குத் தான் வாங்க முடியும். இதன் விலை 24.99 அமெரிக்க டொலர்கள் ஆகும். ஆனால், இதனை 30 நாட்களுக்கு இலவசமாக பயன்படுத்த முடியும். (Rapidshare இல் தேடிப் பாருங்க... திருட்டு SRS Audio Sandbox மென்பொருள் crack உடன் கிடைக்கும்...:) ) .


நம் கணணியில் SRS Audio Sandboxமென்பொருளை பயன்படுத்துவதன் மூலம் அண்ணளவாக original ஒலியின் தரத்தில் பாடல்களை கேட்க முடியும். அதாவது, அதிகரிக்கப்பட்ட bass ஒலியமைப்பு, Speaker தரத்திற்கேற்ப ஒலியமைப்பை மாற்றக்கூடிய வசதிகளைக் கொண்டுள்ளது. அத்துடன் ஒலியமைப்பை விரும்பியவாறு- திரைப்படங்கள் பார்ப்பதென்றால் வேறு ஒலியமைப்பையும், ஓடியோ என்றால் வேறு ஒலியமைப்பையும் மாற்றி மாற்றி பயன்படுத்த முடியும்.


SRS Audio Sandbox ஜ தரவிறக்க சுட்டியை அழுத்துங்கள்: தரவிறக்குக

கேளுங்க... கேளுங்க... கேட்டுக் கொண்டே இருங்க....

Private Browsing என்றால் என்ன??? ஓர் விரிவான அலசல்

இரகசியம்.. இரகசியம்.. இரகசியம்..
இது தான் சார் Private Browsing...
புரியவில்லையா???

நம்மில் பலர் வீட்டில்.. ஒரு கணணியினை வீட்டில் இருப்பவர்கள் எல்லாரும் பயன்படுத்துவார்கள். இப்படி இருக்கையில், நாம் இணையத்தை பயன்படுத்தும் போது எந்த இணைய உலவியும் நாம் தேடும் விடயங்கள், கடவுச்சொல், தரவிறக்கப்பட்ட தகவல்கள், குக்கீஸ், உலவிய பக்கங்கள் என்பவற்றை தன்னகத்தே சேமித்து வைத்திருக்கும். (உங்களுக்கு தெரிந்த விடயம் தான்). வீட்டில் இருக்கும் மற்றவர்கள் நாம் சென்ற, எமது தகவல்களை எல்லாம் பார்க்க முடியும்.

இவற்றை எவ்வாறு தடுப்பது??? இதைத்தான் Private Browsing செய்கின்றது.

Private Browsing செய்ய, முதலில் இணைய உலவியில் Private Browsing வசதியை ஏற்படுத்த வேண்டும். உதாரணமாக பயபொக்ஸை எடுத்தால் கீழ் உள்ள படத்தில் காட்டியவாறு Private Browsing ஜ தொடக்க வேண்டும்.



இம் முறையானது இணைய உலவிக்கு இணைய உலவி வித்தியாசப்படும். Private Browsing ஜ தொடக்கிய பின் பயபொக்ஸின் திரை கீழ் உள்ளவாறு தோன்றும்.


இப்போது உங்கள் இணைய உலவியில் என்னவேனும் என்றாலும் செய்யலாம். அதாவது, இணைய உலவியானது நாம் தேடும் விடயங்கள், கடவுச்சொல், தரவிறக்கப்பட்ட தகவல்கள், குக்கீஸ், நாம் உலவிய பக்கங்கள் என்பவற்றை தன்னகத்தே சேமிக்காது. உங்கள் இணைய உலவு முடிந்த பின் Private Browsing ஜ கீழ் உள்ள படத்தில் காட்டியவாறு நிறுத்த வேண்டும்.


இப்போது இணைய உலவியானது சாதாரண திரைக்கு வந்து விடும்.

இன்னொரு முக்கிய விடயம் என்னவென்றால், நீங்கள் இணைய உலவியை திறக்கும் போது எப்போதும் Private Browsing இல் இருக்கும் படியும் செய்ய முடியும். அதற்கு கீழ் உள்ள படத்தில் காட்டிய முறையை பின் பற்றுங்கள்….

Private Browsing என்னும் பதம் வெவ்வேறு இணைய உலவிகள் வெவ்வேறு பதங்களை உபயோகிக்கின்றார்கள்.

• இன்ரநெற் எக்ஸ்பிளோவர் ஆனது InPrivate எனவும் (Internet Explorer 8 தான் இந்த வசதி உள்ளது),

• கூகிள் குரோம் ஆனது Incognito எனவும்,

• பயபொக்ஸ் ஆனது Private Browsing எனவும்
  

உபயோகிக்கின்றன.


இனி உங்க வசதிப்படி பயன்படுத்துங்கள்....:)


இப்பதிவை PDF ஆக தரவிறக்குக

Top Ten வீடியோ எடிட்டிங், DVD பிளேயர் மென்பொருள் தரவரிசை

பெரும்பாலனவர்களுக்கு டொப்ரென்ரிவியூ.கொம் (TopTenReview) இணையத்தளத்தைப் பற்றித் தெரிந்திருக்கும். இவ் இணையத்தள நிறுவனத்தினர் குறிப்பிட்ட கால இடைவெளிகளில் (குறிப்பாக வருடாந்தம்) வெவ்வேறு பிரிவுகளில் மென்பொருட்களை ஆய்வு செய்து பொருத்தமான பிரிவுகளில் தரவரிசைப்படுத்துவார்கள். அந்த வகையில், இவ் இணையத்தளம் வீடியோ எடிட்டிங் மென்பொருள், DVD பிளேயர் மென்பொருள் ஆகிய பிரிவுகளின் இந்த ஆண்டுக்கான (2010) தனது டொப்ரென் தரவரிசையை வெளியிட்டுள்ளது.

ஒவ்வொரு பிரிவு மென்பொருட்களின் தரவரிசையும் அதன் கடைசி வெளியீடுகளின் தரவிறக்க தொடுகைகளும்.....

[மென்பொருட்களின் பெயர்களை தமிழில் எழுத முடியாமைக்கு மன்னியுங்கள் Boss... :)]


வீடியோ எடிட்டிங் மென்பொருட்கள்- டொப்ரென் தரவரிசை ----------------------------------------------------------------------------------

1. CyberLink PowerDirector.................................2. Corel VideoStudio Pro X3

3. Adobe Premiere Elements ..............................4. Magix Movie Edit Pro

5. Pinnacle Studio ................................................6. Sony Vegas Movie Studio Platinum

7. Roxio Creator ...................................................8. ShowBiz DVD


9. Corel DVD Movie Factory ...........................10. PowerProducer



DVD பிளேயர் மென்பொருட்கள்- டொப்ரென் தரவரிசை ---------------------------------------------------------------------------

1. PowerDVD ....................................................... 2. WinDVD

3. BlazeDVD...........................................................4. Zoom Player

5. CinePlayer ........................................................6. TotalMedia Theatre

7. DVD X Player ...................................................8. RioDVD Region Free Player

9. DirectDVD .....................................................10. SuperDVD Player



அடுத்துவரும் பதிவுகளில் அன்ரி வைரஸ் (Anti Virus) மென்பொருட்களின் டொப்ரென் தரவரிசையை, விரிவான பார்வையில் எதிர்பாருங்கள்....:)

இப்பதிவை PDF ஆக தரவிறக்குக